Jou plant, Festuca elatior, se ou nuwe naam is Festuca arundinacea en sy nuwe nuwe naam is Lolium arundinaceum. Volgens Pharos EN/AF is loliums raaigras en festucas is swenkgras. Die NL Wikipedia noem dit langbloem, en die Engelse Wikipedia sê dat jou plant eintlik "tall fescue"is en nie "meadow fescue" nie. Ek gaan dus op die botaniese naam af, en neem aan dat dit 'n tall fescue is. Dan sou dit "lang raaigras" kon wees. Jy gaan egter vassit met tweetalige mense in Suid-Afrika wat daarop gaan aandring dat 'n fescue 'n fescue is, en 'n fescue in Afrikaans is swenkgras, en daarom sou dit ook "lang swenkgras" kon wees.